La banda da criminals «Pink Panther»

Ils Pink Panthers vegnan tranter auter fatgs responsabels per l'assagl ad ina bischuteria a Samignun l'avrigl passà. Ma er en autras citads europeicas è la banda organisada stada activa.

La figura da Pink Panthe
Legenda da maletgs: Il Pink Panther dal comic ha dà il num a la banda da laders. Keystone

Ils Pink Panthers èn ina banda ch'è spezialisada sin enguladitschs da giuvels e cliniez. A moda organisada e professiunala fan els regularmain sin l'entir mund preda en bischutarias. Uss han autoritads da plirs pajais sclerì ina seria d'assagls en l'Austria, la Svizra ed il Danemarc.

Tactica sco en la seria da Pink Panther

Pervi ch'ils crimnals che derivan savens da pajais dal Balcan han duvrà il 1993 tar in assagl a Londra ina tactica sco quai che Pink Panther dovra en in da ses films ha la banda esurvegnì quest surnum.

Quella giada avevan ils laders engulà giuvels e zuppà quels en in glas da crema da fatscha. Er il panter da comic fa quai en in dals films ch'è cumparì il 1963.

Autur/a: Selina Chistell