La bumba da Nagasaki

Ils 9 d'avust 1945 han ils Americans laschà crudar ina bumba atomara sur la citad Nagasaki en il Giapun – ina bumba ch'ha destruì tut en il radius da 3.2 km. Passa 35'000 persunas èn mortas immediat, passa 60'000 èn vegnidas blessadas. Millis e millis èn morts da las consequenzas da la radiaziun.

La bumba atomara da Nagasaki dal 1945.
Legenda da maletgs: La bumba atomara da Nagasaki dal 1945. keystone

La bumba da Nagasaki han ils Americans laschà crudar be trais dis suenter l'emprima bumba sur Hiroshima. La decleraziun uffiziala per las bumbas è, che la Segunda Guerra mundiala duai uschia vegnir terminada er en l'Asia. Blers scienziads ed istorichers van dentant da quai anor, ch'ils Stadis Unids vulevan simplamain testar lur bumbas cunquai ch'il Giapun saja militaricamain gia daditg stà cumbattì.

Autur/a: Sabrina Bundi