La crisa dad opioids en ils Stadis Unids

Lonn passa èn bun 70'000 persunas en ils Stadis Unids mortas vi dad ina surdosa opioids. Da curt è in dals pli gronds concerns da sanadad Johnson & Johnson vegnì sentenzià da pajar al stadi federativ Oklahoma 570 milliuns dollars sco indemnisaziun pervia da la crisa d'opioids.

-
Legenda da maletgs: Keystone Ils Stadis Unids han in problem da opioids.

Milliuns dad Americans èn dependents d'opioids. Entschet ha tut cun la firma Purdue Pharma che tutga a la famiglia Seckler ed ha introducì l'onn 1996 l'opioid Oxycontin sin il martgà da medicaments.

La famiglia Seckler è ina da las pli bainstantas famiglias dals Stadis Unids. Pervia da la crisa d'opioids è ella gia vegnida accusada passa 2'000 giadas. Purdue Pharma è pront da pajar passa 10 milliardas Dollars per che las accusaziuns vegnian retratgas.

Avant dus onns ha il president Donald Trump proclamà il stadi durgenza pervia da la crisa d'opioids. Ils proxims dus onns investeschan ils Stadis Unids 6 milliardas en mesiras cunter il problem da drogas.

Autur/a: Anna Selina Quinter