La DNA da l'ambient

Senza dubis: Mintga organissem ha ina DNA. En il rom da la criminalistica vegn quai duvrà dapi onns. Tar la DNA da la natira vesa quai anc ora auter. La scienza s'avanza dentant svelt.

Legenda da maletgs: Pixabay.

Arcunar la DNA da la natira. Quai fatschenta en il mument la scienza. Ins ha numnadamain chattà ora che la DNA dals insects e da las fluras po avair gronds avantatgs.

Insects sco indicaturs da la qualitad

Cun la DNA d'insects spezials èsi pussaivel d'eruir la qualitad d'aua d'in flum u lai. Quests insects spezials – ils uschenumnads Zeigerorganismen, reageschan fitg sensibel sin pesticids u sin merda. Per ordinari èn quai larvas d'insects u era giombers. En la DNA da quests animals èsi da vesair questas irritaziuns en cas che l'aua è tschuffa.

I dat anc bler lavur

Cunquai ch'i è anc ina tecnologia fitg giuvna datti anc bler da perscrutar. En la banca da datas da DNA da las microbas e dals insects datti anc grondas largias. Be paucs pertschients èn vegnids rimnads fin ussa. En cumparaziun: La banca da datas dals peschs cuntegna gia 50% fin 80% da tut la DNA.

Autur/a: Lukas Quinter