La drosofila da tscharescher

Cun l'aura chauda ed umida sa multiplitgescha l'insect rasant.

Drosofila da tscharescher
Legenda da maletgs: Drosofila da tscharescher. AP University of Maine Cooperative Extension Service

La drosofila da tscharescher deriva da l'Asia dal Sidost. Dapi il 2011 è la drosofila suzukii er da chasa en Svizra. L'insect mesira 2 fin 3 millimeters e fa donns a fritgs cun paletschas satiglias sco tschareschas, persics, frajas u ivas. Il fanadur passà ha la staziun da perscrutaziun Agroscop constatà in grond dumber da drosofilas da tscharescher. Il Plantahof a Landquart annunzia donns vid tschareschas, frajas u ampuaunas ed avertescha da donns vid las ivas.