La gruppa d'inslas Chagos

La gruppa d'inslas Chagos duai puspè vegnir en il possess da Mauritius. Actualmain tutgan las inslas tar la Gronda Britannia.

-
Legenda da maletgs: Las inslas da Chagos en el ozean indic. Keystone

Tenor il parairi dal Tribunal internaziunal duajan las inslas Chagos immediat puspè vegnir en il possess da Mauritius. Las inslas èn dapi il 1814 ina colonia da la Gronda Britannia. Politicamain tutgavan las inslas dentant tar Mauritius. Cura che Mauritius, ch'è medemamain stà ina colonia da la Gronda Britannia, è daventà independent, han ils Brits decidi da tegnair las inslas sut lur controlla. Uss ha il Tribunal internaziunal prendì posiziun en la dispita davart las inslas e decidì che quai saja stà cunter il dretg. Quest parairi n'ha giuridicamain però naginas consequenzas per la Gronda Britannia.

La gronda insla da Chagos è Diego Garcia. Là sa chatta dapi l'onn 1966 ina basa militara dals Stadis Unids.

Autur/a: Anna Selina Quinter