La legenda dal prà Barnagn

Nua ch'il lai Barnagn è oz, era pli baud in prà. Quest prà tutgeva ad in pur che aveva bajegià ina stalla.

Lai Barnagn a Savognin.
Legenda da maletgs: Lai Barnagn a Savognin. RTR, Federico Belotti

Suenter plirs process giuridics, aveva in derschader decidì ch'il pur na possia betg tegnair la stalla. Cun quai ch'ils process avevan custà ina massa raps, ha il pur stuì ingiantar la stalla ed er il prà. Il pur era silsuenter uschè grit, ch'el ès ì tar il diavel per agid. El vuleva che nagin auter na possia profitar dal prà. Quel agid ha el er survegnì. Cura ch'igl è stà temp da far fain, hai dà in urizi e tut il fain è daventà schlet. Ed er tut ils onns suenter n'han ins betg pudì duvrar il fain.

Autur/a: Natalia Murtas