La NATO ha 70 onns

Dapi ils 4 d'avrigl 1949 è la NATO l'allianza militara e politica che vul garantir la segirezza e la stabilitad per ses pajais commembers.

La sedia da la NATO a Brüssel
Legenda da maletgs: La sedia da la NATO a Brüssel. KEYSTONE

29 pajais èn commembers da la NATO, da la North Atlantic Treaty Organisation. Part dal pact da l'Atlantic dal nord fan ils Stadis Unids da l'America, il Canada, blers stadis da l'Europa u er la Tirchia. La Svizra, l'Austria u er la Svezia n'èn betg commembras da la NATO. L'organisaziun ha sia sedia a Brüssel. Il secretari general actual è Jens Stoltenberg da la Norvegia.

Autur/a: Marionna Lombriser