La Panera vegn derschida

Sur Luven vegn pinà il pli aut pign da la Svizra. Quai pervia che la Panera è malsauna. RTR fa mesemna suentermezdi a las 15:00 in livestream da la derschida.

Ses num ha la Panera da la furma.
Legenda da maletgs: Ses num ha la Panera da la furma. RTR

52 meters mesira ella, la Panera. Veglia è ella tranter 250 e 350 onns, intgins manegian schizunt ch'ella saja anc pli veglia. Cler è dentant ch'ella è in vaira gigant e fascinescha gia dapi generaziuns. Ils 12 da december 2018 vegn la Panera davent, quai pervia ch'ella è malsauna e sitga. Cun ina pitschna festa prendan ils da Luven e tut ils fans da plantas spezialas cumià dad ella.

Il num deriva da la furma

Paneras èn indrizs ch'ins aveva pli baud en Surselva per pender si ils pauns per schanegiar els da las mieurs. Sch'ins guarda da sut sin la Panera fa la roma endament a quest indriz.

Laschar ir video «La Panera da Luven - Ella sto davent!»

La Panera da Luven - Ella sto davent!

1:50 min, Nouvo RTR dals 12.11.2018

Autur/a: Selina Chistell