La pasta da dents

Ina invenziun tudestg è la pasta da dents. Il 1907 ha Dr. Ottomar Heinsius von Mayenburg inventà la pasta da dents da Chlorondont.

La pasta da dents in'invenziun tudestga.
Legenda da maletgs: La pasta da dents in'invenziun tudestga. Keystone

L'entschatta dal 20avel tschientaner ha tut entschet. Lura han differents apotechers lavurà vid in med da schubregiar e tener sang ils dents. Uschia er il tudestg Ottomar von Mayenburg. En sia apoteca a Dresden ha el inventà il 1907 la pasta da dents da Chlorodont. Er sche quella idea dina pasta da dents nè betg stada nova è el quel che ha vendì il product sco novum mundial e vala uschia sco inventader.

Grond success per Chlorodont

Sper il product sez, la pasta da dents, ha von Mayenburg er producì sez las tubas, ils vertgels sco er las stgatlas en las qualas el vendeva sias pastas. Plinavant ha el er tgirà ina plantascha da menta sez. Uschia è el stà ditg temp independent ed ha baiinprest stuì bajegiar ora sia apoteca tar ina fatschenta pli gronda. Pli tard ha el er fatg buna lavur da marketing e reclama uschia che sia pasta da dents da Chlorodont è stada plirs decennis sin il martgà da igiena dentala.

Autur/a: Selina Chistell