La statuetta Oscar

Passa 3'000 oscars èn schon vegnì surdads a cineasts ed a cineastas ils ultims 91 onns. Gudagnar il premi il pli impurtant da l'industria da film è in siemi per mintga actur ed actura.

Legenda da maletgs: Keystone

La statua è 34,2 cm auta, ella paisa 4 kilos ed è mo surdorada cun aur da 24 carats. Sut la stresa d'aur sa chatta ina maschaida da nichel, arom ed argient. Atgnamain avess la statuetta num «Academy Award of Merit», la legenda di dentant che la bibliotecara da l'academia, Margaret Herrick, haja vesì la statua e ditg, che quella vesia ora sco ses aug Oscar. 400 dollars custi da fabritgar in oscar, sch'ins less vender el survegn ins dentant mo 1 dollar per el.

Autur/a: Angela Hendry