La sulegliada

Sulegl intensiv e direct sin il chau, la tatona ed il culiez po effectuar ina sulegliada u in culp da sulegl.

Sumbriva e chapè - la meglra prevenziun cunter ina sulegliada
Legenda da maletgs: Sumbriva e chapè - la meglra prevenziun cunter ina sulegliada. KEYSTONE

 Ils sintoms frequents d'ina sulegliada èn:

  • in chau e/u la tatonacotschen e chalirà
  • mal il chau
  • sturnizi
  • vungas e vomitar
  • tschivlar las ureglias
  • fevra
  • puls svelt
  • conturbaziun

El mender cas pon persunas pertutgadas d'ina sulegliada crudar en svaniment. Lura dovri agid medicinal.

Purtar chapè, baiver bler e star en la sumbriva è la meglra prevenziun cunter ina sulegliada.Tar ina sulegliada èsi dad ir en la sumbriva, da giaschair e pussar, da frestgentar il chau e la tatona cun faschas umidas, frestgas. Er satgets da glatsch zugliads en taila pon gidar. Ins sto baiver bler.

Autur/a: Marionna Lombriser