Leonardo da Vinci

Oz èsi 500 onns dapi la mort da Leonardo da Vinci. L'artist, architect, filosof, inschigner u anatom è sta in inventader, avantgardist e scheni universal.

Leonardo da Vinci e ses purtret renumà da la Mona Lisa
Legenda da maletgs: Leonardo da Vinci e ses purtret renumà da la Mona Lisa. KEYSTONE

Il purtret da la Mona Lisa en il Louvre a Paris, il fresco da la Sontga Tschaina en la claustra Santa Maria delle Grazie a Milaun u la skizza Vitruv tutgan tar las ovras renumadas da Leonardo Da Vinci.

L'artist è naschì il 1452 damanaivel da Firenze e ses lieu nativ Vinci è daventà ses num. Leonardo da Vinci è stà scolar dal sculptur Verocchio a Firenze ed ha vivì e lavurà a Milaun, Ruma ed en Frantscha. Leonardo da Vinci è mort ils 2 da matg 1519.

Cun sias ovras e sias perscrutaziuns ha il scheni universal influenzà l'art, la scienza u la filosofia durant tschientaners. El tutga tar las persunalitads las pli impurtantas da l'istorgia.

Autur/a: Marionna Lombriser