Manaus

In incendi ha destruì en la citad da Manaus en il nord da la Brasilia almain 600 chasas. 17 persunas èn vegnidas blessadas.

L'incendi ha destruì ina gronda part dal quartier dad Educandos.
Legenda da maletgs: L'incendi ha destruì ina gronda part dal quartier dad Educandos. Keystone

Manaus è cun ses 2 milliuns abitants sin plaz set da las pli grondas citads en Brasilia. Manaus giascha en il nord da la Brasilia ed è la chapitala dal stadi federativ Amazonas. Enconuschent è la citad amez il guaud da l'Amazonas er perquai ch'ella è stada citad ospitanta per gieus da campiunadi mundial il 2014 en Brasilia. Er la naziunala Svizra ha giugà là. Dapi alura è il stadion ch'ha plaz per passa 44'000 aspectaturs però restà vid e fa ruina. Bler auter da l'euforia da ballape n'è betg restà a Manaus.

Autur/a: Selina Chistell