Marsbasis 1

En il desert da Gobi en China èsi pussaivel da simular la vita sco sin ina missiun dal Mars.

La basa da simulaziun è 40 kilometers naven da la citad chinaisa da Jinjiang.
Legenda da maletgs: La basa da simulaziun è 40 kilometers naven da la citad chinaisa da Jinjiang. Reuters

En in bajetg cun otg moduls pon scolaras e scolars chinais viver ed uschia far l'experientscha da viver sin il planet dal Mars. La basa cun il num «Marsbasis 1» duai sensibilisar ils uffants per temas astronautics e spazials ed er far conscient ad els quant bella che la vita sin terra è.

La China vul far concurrenza

L'idea da la basa dal Mars amez il desert Gobi è dentant ina pli gronda. La China vul marcar sia posiziun e far concurrenza a la Russia ed ils Stadis Unids da l'America. L'idea è da trametter proxim onn ina sonda sin il planet Mars. Pli tard duai er dar ina nav spaziala equipada sin il planet cotschen.

Autur/a: Selina Chistell