Meldonium

Ils Russ e la chemia: Igl è enconuschent che atlets da la Russia han ina tscherta passiun per tablettas e squittas. Uss è vegnì enconuschent, che la meglra giugadra da tennis da la Russia, Maria Scharapova ha prendì substanzas scumandadas.

Pachets da Meldonium.
Legenda da maletgs: Meldonium è in medicament cunter disturbi dal cor e la circulaziun. KEYSTONE

Maria Scharapowa che ha gudagnà uschè blers raps sco negin'autra giugadra da tennis, ella è vegnida testada positiv durant l'Australian Open sin la substanza «Meldonium».

Tge è Meldonium?
Meldonium è ina substanza che ha er num Mildronat e vegn duvrà tar mancanza da la circulaziun dal sang ed en cass da mancanza dad oxigen. Concret impedescha Meldonium l'oxidaziun dad acid da grass en il corp. Acids da grass che pon laschar enavos tissis en il tessì. Cun auters pleds: Meldonium augmenta la prestaziun. Il scumond da Meldonium è i en vigur cun l'entschatta da l'onn 2016.

Igl è vegnì tar quest scumond da la substanza Meldoniun suenter il massiv consum da questa substanz durant ils davos onns. Adina dapli medis perscrivevan Meldonium sco doping legal per augmentar la forza dal cor.

Autur/a: RTR/cl