Michael Ringier e sia chasa da medias

Oz festivescha Michael Ringier ses 70avel anniversari. Sco president dal cussegl administrativ da Ringier ha el schlargià la purschida online da sia chasa. In fan da purschidas online n'è el dentant betg.

Michael Ringier.
Legenda da maletgs: Michael Ringier. Keystone

40% da la svieuta fa Ringier cun purschidas Online. Michael Ringier sez na para dentant betg dad esser persvas da quai. En in'intervista cun l'Aargauer Zeitung ha el ditg, che l'internet procura per adina daplirs problems e ch'el saja in martgà betg regulà.

Tar la chasa da medias Ringier tutgan tranter auter tut las gasettas dal Blick, «Beobachter», «Schweizer Illustrierte» sco era il radio «Energy». Vinavant vegnan latiers plattafurmas da martgà sco «Scout24» ed il «TicketCorner».

Autur/a: Flurin Clalüna