Mickey Mouse

Il miuret Mickey Mouse festivescha ses 90avel di da naschientscha. Ils 18. november dal 1928 è l'emprima giada in film animà cun la mieur ed il num «Steamboat Willie» vegnì mussà a New York.

Mickey Mouse festivescha ses 90avel
Legenda da maletgs: Mickey Mouse festivescha ses 90avel keystone

Dapi lura è quai ì ensi rasantamain cun la carriera da Mickey Mouse. Entant è el ina da las pli renumadas figuras animadas. El ha schizunt in'atgna staila sin il Walk of fame a Hollywood e ses inventader Walt Disney ha tschiffà in Oscar per inventar el. Sch'ins stuess caracterisar Mickey Mouse sche fiss el in miuret loyal, optimistic, amiaivel, cuntent, da buna luna, intelligent e curaschus, in bun ami – ina pitschna mieur cun in grond cor.

Autur/a: Sabrina Bundi