Microliving

Cuschina, stanza da lavur, stanza da durmir – e tut quai sin mo ventg meters quadrat. Microliving vul dir abitar mo sin pauca plazza.

Legenda da maletgs: Keystone

Microliving ha divers avantatgs. Cunquai che las abitaziuns han mo ina pitschna surfatscha, èn ellas pli bunmartgadas. Surtut per students è quai in'opziun. Viver en in local pitschen n'è dentant betg insatge per mintgin. Divers han il sentiment da manchentar insatge, schels stuessan viver sin uschè pitschna surfatscha.


En auters pajais sco per exempel en Giapun han ins schon realisà plirs blocs cun uschè abitaziuns. En Giapun datti entiras abitaziuns sin mo sis meters quadrat.

Autur/a: Flurin Clalüna