Microplastic

Microplastic è in grond problem per l'ambient. Era lentas da contact per ils egls duvradas chaschunan microplastic en las mars.

Peschs mangian microplastic
Legenda da maletgs: Peschs mangian microplastic. REUTERS

20 tonnas lentas da contact dismettan consuments dils Stadis Unids da l'America onn per onn via tualettas u lavabos. Scienziads dals Stadis Unids han eruì che 15 fin 20 pertschient dals purtaders da lentas dismettan quellas via chanalisaziun. Ord las lentas datti microplastic che tschufrogna ils oceans. Peschs sbaglian quellas particlas pitschnas da plastic cun vivonda ed uschia arriva il microplastic era en il nutriment dal carstgaun.

Las lentas dismessas fan ora in quantum fitg pitschen da tut il microplastic en l'ambient. Ils perscrutaders vulessan render attent al problem cun in product dal mintgadi.

Autur/a: Marionna Lombriser