Minnellium - Liza Minnelli

L'icona dal showbusiness, Liza May Minnelli, festivescha oz ils 13.03.2016 ses 70avel anniversari. Ella vergn era titulada sco "entertainra dal milleni".

La "entertainra dal milleni" Liza May Minnelli
Legenda da maletgs: La "entertainra dal milleni" Liza May Minnelli Keystone

Davent da l'Oscar per sia rolla en il film "Cabaret" sur l'Emmy ed il Grammy fin tar il Toni-Award ha ella gudagnà tut quai ch'i dat da gudagnar. Enconuschenta è Liza Minnelli dentant gia stada avnat ses gronds success, numnadamain sco figlia da l'actura Judy Garland e dal reschissur Vincente Minnelli. Gia cun trais onns è ella stada l'emprema giada davant la camera.

Liza Minnelli n'ha dentant betg mo festivà gronds success. Sco tar blers stars da Hollywood è er ella adina puspè stada dependenta da drogas e d l'alcohol. Er en la carezia n'ha ella betg giu cletg. 4 giadas è ella stada maridada ed è uss cun 70 puspè single.

Autur/a: RTR/ggf