«#MitfahrenLuzern»

Sut il hashtag «MitfahrenLuzern» s'organiseschan ina part dals millis pendularis ch'èn pertutgads da l'accident da tren a Lucerna sin Facebook e Twitter.

Pendularis a Lucerna
Legenda da maletgs: Betg tuts van cun ils bus da substituziun, blers s'organiseschan sur #MitfahrenLuzern. Keystone

I vegn purschì e tschertgà plazs libers en autos privats per far il viadi a e davent da Lucerna. Lantschà il hashtag ha la manadra da redacziun da Viasuisse e vusch cun las infurmaziuns da traffic sin SRF 3 Jessica Ladanie.

Sper las offertas e dumondas per far il viadi da ed a Lucerna partan blers er lur istorgias da viadi. P. ex. ina dunna che ha uschia vis dapi onns puspè ina giada ses collega d'emprendissadi. Ubain in um ch'ha engrazià per ils fitg buns discurs en l'auto, uschè buns ch'els sajan vegnids interruts pir a Chiasso da las guardias da cunfin.

Autur/a: Gion Gieri Flepp