Musica classica

Sut la noziun «musica classica» chapeschan ins duas differentas chaussas: Per l'ina è musica classa ina noziun per la tradiziun da musica d'art en l'Europa, pia per musica dal temp medieval fin en il temp contemporan. Per l'autra è musica classica era la musica da l'epoca da la classica.

Haydn, Mozart e Beethoven – ils cumponists da la classica
Legenda da maletgs: Haydn, Mozart e Beethoven – ils cumponists da la classica Pixabay

L'epoca da musica classica suonda a l'epoca dal baroc e cumenza cun la mort dal maister dal temp baroc Johann Sebastian Bach l'onn 1750. La fin da l'epoca classica è enturn l'onn 1830 cura che l'epoca da la romantica cumenza.

Il pli fitg ha la musica classica flurì a Vienna, nua che Joseph Haydn, Wolfgang Amadeus Mozart e Ludwig van Beethoven han vivì. Lur cumposiziuns caracteriseschan segir il meglier musica classica. Cronologicamain è Haydn (1732-1809) il vegl. Lez ha cunzunt sviluppà il gener dal quartet ad instruments d'artg e scrit passa 100 sinfonias. Mozart (1756-1791) è enconuschent per ses concerts per clavazin e numerusas operas. Cumpareglià cun las sinfonias da Haydn ha Beethoven (1770-1827) sviluppà vinavant il gener sinfonic. Sper sonatas per clavazin furman cunzunt las nov sinfonias da Beethoven il punct culminant en sia carriera.

Autur/a: Yvonne Simmen