Nadia Murad e Denis Mukwege

Lactivista per dretgs umans ed il ginecolog survegnan il premi Nobel da la pasch 2018. Els cumbattan omadus encunter violenza sexuala.

Legenda da maletgs: Keystone

Nadia Murad è stada trais mais en ils mauns da la gruppa da terror Stadi Islamic, surduvrada sco sclava sexuala. Ella è vegnida da scappar tar sia sora en Germania. Dapi onns cumbatta ella ussa il Stadi Islamic, sco ambassadura extraordinaria da las Naziuns Unidas. Ella haja survivì per rapportar dals malfatgs.

Denis Mukwege è ginecolog en il Congo, el gida unfrendas da violenza sexuala. En sia patria sajan dunnas ina preda, unfrendas da terrur sexual. Mukwege medegescha las dunnas e buobas e porscha era agid psicologic e finanzial. Las unfrendas ston numnadamain temair da vegnir bandegiadas da lur atgnas famiglias.

Autur/a: Angela Hendry