Nazionale italiana cantanti

Dapi 35 onns dat quai in'equipa da ballape be cun chantadurs talians, la nazionale italiana cantanti. La squadra dat per la buna chaussa.

Eros Ramazotti dat ballape cun la nazionale cantanti.
Legenda da maletgs: Eros Ramazotti dat ballape cun la nazionale cantanti. keystone

Fundà la gruppa ha l'autur da chanzuns Mogol. Tranter ils emprims giugaders eran Umberto Tozzi, Gianni Morandi, Andrea Mingardi e Eros Ramazotti. Lez ha giugà totalmain 222 giugs cun l'equipa sco attatgader ed ha sittà 127 gols. Ozendi fan part da la nazionale cantanti chantadurs sco Luca Barbarossa, Raoul Bova, Alessandro Casillo, Marco Masini e Paolo Vallesi.

Popularitad ha l'equipa cunzunt survegnì cun far la partita del cuore, in gieu da ballape che vegn emess sin la televisiun. L'onn 2000 ha l'equipa lura per exempel giugà quella partita cunter ina equipa da giugaders palestinais ed israelians. Tranter ils giasts d'onur èn stads Schimon Peres e Jassir Arafat.

Autur/a: Sabrina Bundi