Nov record da fugitivs

Oz è il di internaziunal dals fugitivs. 70 milliuns fugitivs datti sin l'entir mund, uschè blers sco anc mai. Quai mussan las novas cifras da las Naziuns Unidas per l'onn 2018.

-
Legenda da maletgs: 70 milliuns fugitivs - quai è in nov record. Keystone

70 milliuns fugitivs, quai è dubel uschè blers sco anc avant diesch onns. Ils davos onns è il dumber da fugitivs adina creschì. Ils blers fugitivs fugian ord ina regiun en in'autra regiun da l'agen pajais.

Ils blers fugitivs vegnan da 5 differents pajais. Quai èn la Siria, l'Afghanistan, il Sudan dal Sid, Burma e Somalia. Ils fugitivs fugian en la Tirchia. Mo quatter auters pajais han sur in milliun fugitivs. Quai èn il Pakistan, Uganda, Sudan e la Germania. Il pli savens vivan ils fugitivs en pajais en svilup.

Mintga segund fugitiv è in uffant, quai munta sut 18 onns. Mintga duas secundas sto ina persuna fugir. Il pli savens vivan fugitivs en citads. 91% dals fugitivs na vivan betg en l'Europa.

Autur/a: Anna Selina Quinter