Oliver Hegi

Aur e bronz per il svizzer Oliver Hegi als campiunadis europeics da gimnastica artistica a Glasgow. Al rec ha l'atlet mussà ina prestaziun perfetga ed è daventà campiun europeic, la medaglia da bronz ha el gudagnà a la barra.

Legenda da maletgs: Keystone

Hegi ha 25 onns, è oriund da l'Argovia e fa gimnastica dapi 19 onns. El è figl d'in scolast da sport ed ha dus frars. Ussa viva el en il center da sport a Magglingen en il chantun Berna, suna ghitarra e mira gugent documentaziuns scientificas a la televisiun. Radund 30 uras l'emna exercitescha el per daventar in dals megliers gimnasts dal mund.

El haja tschaffen da far gimnastica, uschia possia el mussar, tge ch'el saja abel da far, ha el detg en in'intervista. Il rec plascha il meglier ad el. La fascinaziun vi dals urdeins saja da far vesair ora ils exercizis uschè elegant e simpel sco pussaivel, malgrà ch'els sajan difficils e pretendian blera coordinaziun e forza.

Autur/a: Angela Hendry