Open Air Frauenfeld

Mintg'onn ha lieu en Turgovia il pli grond festival da hip-hop en l'Europa. Cumenzà ha il festival dentant cun rock'n'roll.

Legenda da maletgs: SRF

Il 1985 ha gì lieu l'emprim festival da musica a Frauenfeld. Là aveva el anc num «Out in the Green». Sin la glista d'artists sa chattavan ils Rolling Stones, Status Quo, ils Beach Boys u Uriah Heep – dimena rock'n'roll e blues. Uschè gronds artists fan bain ina gronda show, laschan dentant era enavos ina fora en la cassa dals organisaturs.


Il 2007 ha surpiglià in nov organisatur il festival. Sut in num «Open Air Frauenfeld» na preschentan els betg pli ghitarras e battarias, dentant beat electric ed ina pluna «Yo, yo, yo».

Autur/a: Flurin Clalüna