Opus Dei – ovra da Dieu

Il congress dad Opus Dei a Roma ha elegì Fernando Ocáriz sco nov prelat. El daventa successur da Javier Echevarría tar l'organisaziun conservativa Opus Dei da la baselgia catolica.

Opus Dei
Legenda da maletgs: Opus Dei, urar e viver ina vita per Dieu. KEYSTONE

Opus Dei exista dapi il 1928. L'organisaziun da laics è vegnida fundada en Spagna ed ha 90'000 commembers en var 90 pajais, en Svizra pressapauc 250.

Opus Dei ha sia sedia a Roma ed è activ en la pastoraziun e furmaziun per promover la cardientscha. Ils commembers vivan tenor reglas e duain esser exempels per in viver ed operar catolic.

L'organisaziun Opus Dei ha in status spezial aifer la baselgia catolica.

Autur/a: Marionna Lombriser