Palladi

Il metal prezius palladi ha il mument ina pli gronda valur che aur. Ina unza fina custa 1'400 dollars. La medema quantitad aur custa il mument 100 dollars pli pauc.

Metal palladi.
Legenda da maletgs: Uschè auts sco actualmain n'è il pretsch da palladi anc mai stà. Reuters

Cunzunt l'industria d'autos è responsabla per l'augment dal pretsch da palladi. Perquai ch'ella dovra il metal palladi per la producziun da catalisaturs da motors da benzin. Dapi il scandal da diesel vegnan puspè producids dapli motors da benzin.

Er en blers objects dal mintgadi

Dentant betg sulettamain en la producziun da vehichels vegn palladi duvrà, mabain er en blers objects da mintgadi. Uschia è palladi popular per bischuteria, en remplazzaments da dents u er apparats electronics.

Autur/a: Selina Chistell