Park City

A Park City en ils Stadis Unids è il campiunadi mundial da snowboard e freestyle. Las concurrenzas han cumenzà il 1. da favrer e cuzzan fin ils 10 da favrer 2019.

Park City e ses territori per sport d'enviern
Legenda da maletgs: Park City e ses territori per sport d'enviern. KEYSTONE

Park City ha var 8'000 abitants e sa chatta 35 minutas cun auto davent da Salt Lake City, la chapitala dal stadi Utah. Park City en ils culms dals Rocky Mountains cunfinescha cun trais ressorts gronds da sport d'enviern che disponan da bler infrastructura per divers sports. Sper pistas da skis u pipes da snowboard datti er schanzas da siglir, vials da bob u skeleton.

Tras il turissem d'enviern è l'anteriur lieu da minieras da plum, aur ed argient creschì a moda explosiva durant ils onns 1980 e 1990. Durant ils gieus olimpics dal 2002 a Salt Lake City è Park City stà il center dal snowboard, dals slalom e slalom gigant. Il lieu è er ina destinaziun per vacanzas da stad e porscha tranter auter var 700 kilometers sendas da viandar e da bike. Plinavant ha lieu mintg'onn il Sundance Film Festival a Park City.

Autur/a: Marionna Lombriser