Peter Müller

El tutgava tar la generaziun da skis dad aur dals onns 80. Il Turitgais Peter Müller. En sia carriera ha el festivà gronds success, populars è el dentant mai stà. Oz festivescha Peter Müller ses 60avel anniversari.

Peter Müller festivescha oz ses 60avel anniversari.
Legenda da maletgs: Peter Müller festivescha oz ses 60avel anniversari. Keystone

Ses pli grond success è senza dubi stà la victoria ella cursa rapida al campiunadi mundial il 1987 a Crans-Montana. Era tar gieus olimpics ha Peter Müller recaltgà medaglias ed en la cuppa mundiala ha el gudagnà en 24 cursas.

Ozendi n'è Peter Müller betg pli en il circus da skis. Ensemen cun sia dunna maina el ina stizun da sport.

Autur/a: Gian Carlo Candinas