Roberto Cirillo

Roberto Cirillo daventa nov CEO da la Posta Svizra. Ina surpraisa, Cirillo na vegn betg da la branscha da logistica ed è strusch enconuschent en Svizra.

Legenda da maletgs: MAD

Il Tessinaiss ha 47 onns e posseda sco figl da dus immigrants talians il pass svizzer ed il talian. Naschì è el a Turitg, creschi si en il Tessin, il studi ha el fatg sco inschigner da construcziun da maschinas a la ETH a Turitg.


Il mument abitescha el a Londra, el è commember dal cussegl d'administraziun d'ina fatschenta spezialisada sin chemicalias spezialas. Sper talian e tudestg discurra Roberto Cirillo anc franzos, spagnol ed englais. El è maridà ed en ses temp liber va el gugent a viagiar.

Autur/a: Angela Hendry