Saslong

Per l'emprima giada insumma datti ina cursa da la cuppa mundiala da las dunnas sin la pista Saslong en Val Gardena.

Il culm Langkofel, per ladin Saslong dat il num a la pista legendara.
Legenda da maletgs: Il culm Langkofel, per ladin Saslong dat il num a la pista legendara. Keystone

Pervi da la mancanza da naiv n'han las cursas a Val d'Isère betg gì lieu. Uss èn ellas persuenter en Val Gardena en las Dolomitas sin la pista Saslong. Il num da la pista deriva dal culm Saslong (Langkofel) ch'è davositiers.

Ina Saslong light

Per la cursa da dunnas ha la Federaziun internaziunala da skis fatg intginas adattaziuns, cumpereglià cun la cursa ch'ins enconuscha da la cuppa mundiala dals umens. Per l'ina è la cursa 1 kilometer pli curta, per l'autra van las dunnas dasper e betg sur ils uschenumnads «Kamelbuckel». Ina raschun per quai è, ch'il Svizzer Marc Gisin è crudà grevamain la fin d'emna passada en quest lieu.

Autur/a: Selina Chistell