Schweizerhalle ed il sal

Schweizerhalle vegn numnada la zona d'industria che sa chatta en il chantun Basilea tranter Muttenz e Pratteln, direct sper il Rain. Sin quel areal sa chattan pliras firmas da chemicalias e la firma svizra da sal.

Davent da la Schweizerhalle vegn transportà il sal en svizra ed en il principi da Liechtenstein.
Legenda da maletgs: Davent da la Schweizerhalle vegn transportà il sal en svizra ed en il principi da Liechtenstein. Keystone

Il num da la Schweizerhalle engrazia ses num al sal. Halle e in pled celtic per sal. L'entschatta aveva l'affar da sal num Schweizerhalle. Oz sa numna la firma Schweizer Rheinsalinen.

Sin l'areal aveva avant bundant 200 onns chattà in impressari da la Germania ina vetta da sal da set meters. In onn pli tard haja lura dà l'affar da Salina. Davent da la Schweizerhalle vegn scumpartì sal en tut la Svizra ed era en il Principadi da Liechtenstein.

La catastrofa da Schweizerhalle è il pli grond accident da chemia en l'istorgia da la Svizra. Precis oz avant 30 onns è stà il grond incendi sin ina deponia da la firma Sandoz. 100 tonnas tissi èn rivadas directs en il Rain. Ils pesticids han cuppà tut la vita en il Rain, gnanc in pesch ha survivì e l'ecologia dal Rain era eliminada da la Schweizerhalle engiu.

Autur/a: RTR/fc