Siroop.ch - la nova plattafurma dad onlineshopping

Las reclamas en la televisiun e sin placats per la nova plattafurma da cumprar chaussas sur la rait n'èn actualmain betg da survesair. Ma è la nova purschida simplamain ina dapli u sa differenziescha ella da las existentas?

Siroop - ina nova plattafurma per cumissiuns online
Legenda da maletgs: Siroop - ina nova plattafurma per cumissiuns online pixabay

Nova è la furma che sa basa sin l'idea dad Amazon, numnadamain in grond center da cumpra online cun purschidas da differentas fatschentas. Da cumprar datti davent da electronica sur parfums, velos fin tar grils e cudeschs ed anc bler dapli.

Er sche Coop e Swisscom stattan davos la nova plattafurma è quella da principi averta per tut las fatschentas che lessan porscher lur products en la rait. Uschia porscha p. ex. Brack, che ha gia ina atgna plattafurma en la rait, ses products era sin Siroop.

Sche pliras fatschentas porschan il medem product per differents pretschs datti concurrenza. Quai tutgia tenor ils responsabels dentant tiers.

Actualmain porschan 100 fatschentas lur products sin la nova plattafurma. Cun 800 ulteriuras datti contractivas.

Autur/a: RTR/ggf