Slow-TV

La Televisiun Islandaisa ha ier mussà l'entir di co in auto va live sin las vias da l'entir'insla. Televisiun plauna (Slow-TV) ha quai num. Ina curius'idea che para dentant d'avair success.

En viadi tras la tiara.
Legenda da maletgs: En viadi tras la tiara. Keystone

Els nèn dentant betg ils emprims che ristgan quest experiment.
Il 2009 ha in collavuratur da la Televisiun Norvegiaisa gì lidea da mussar lentir viadi din traject da tren. Tut en tut set uras. Il viadi è vegni mussà il venderdi saira live en televisiun. Passa in tschintgavel dals Norvegiais ha persequità il viadi dal tren. Entant è la televisiun plauna (Slow-TV) il format da televisiun cun il pli grond success en Norvegia.

Dasper viadis monotons vegn era mussà live persunas che pestgan, che fan laina ni che fan or da la launa in pullover. Adina tut live e durant pliras uras. La pli lunga emissiun da televisiun plauna ha durà 134 uras. Durant tschintg dis e mez han ins pudì persequitar live en televisiun il viadi dina bartga. Questacziun han persequità 3/5 dals Norvegiais. Or dal viadi tut normal da la bartga è daventada ina mesa festa naziunala.

Glieud po prender part e tut tenor influenzar lacziun

Auter che tar il format conuschent en Svizra «Swiss-View» nè tar il format da televisiun plauna en Norvegia nagut preproducì. Quai saja il spezial vi da quest format, uschia ils responsabels. Il mardi passà ha ussa era lIslanda fatg inacziun sumeglianta. In entir di cun lauto sur lentira insla.

Autur/a: G.M. Maissen, Moderaziun: A. Bertogg, Redacziun: G.M. Maissen