Stadion Hardturm

55% dals Turitgais han decidi la dumengia a l'urna en favur d'in nov stadion al Hardturm. Durant ils proxims onns vegn construì in stadion che porscha lieu per bunamain 19'000 aspectaturs.

Legenda da maletgs: Project Ensemble

Sper il stadion vegnan construidas duas turs cun abitaziuns e biros. L'entir project custa var 570 milliuns francs e vegn finanzià da differents investurs. Cun acceptar quest project a l'urna survegn Turitg suenter 10 onns puspè in segund stadion.


L'onn 2008 ha la citad da Turitg rut giu il vegl stadion Hardturm. Sin quest areal ha ina gruppa fabritgà si ina zona da recreaziun. Sut il num «Stadionbrache» datti là in iert, ina plazza da sport sco era ina rampa per skateboards.

Autur/a: Flurin Clalüna