Starmus

Il festival Starmus vul unir stailas e musica, scienza ed art. Durant quest'emna ha quest festival lieu a Turitg.

Logo dal festival Starmus.
Legenda da maletgs: Logo dal festival Starmus. Wikipedia

Fundà il festival ha il astrofisicher da la Spagna Garik Israelian. Sustegn ha el survegnì da Brian Mey, l'anteriur ghitarrist da Queen. Quel ha l'onn 2007 lavurà ensemen cun Garik Isarelian durant ch'el ha scrit sia dissertaziun en astrofisica. Cun quai ch'er Israelian fa gugent musica han els decidì da organisar in festival che unescha stailas e musica. L'emprim festival ha gì lieu l'onn 2011.

Punct culminant dal festival Starmus è la surdada da la «Stephen Hawking Medal». Cun quella medaglia vegnan onurads persunas che fan cun lur lavur attent sin la scienza. Tranter auter han schon l'astronaut Buzz Aldrin, il cumponist Hans Zimmer u la sitcom Big Bang Theory survegnì ina medaglia.

Autur/a: Flurin Clalüna