Tax Day

Ils 15 d'avrigl è l'ultim di che la populaziun americana po pajar las impostas dal stadi. Pli baud deva quai colonnas da glieud avant ils spurtegls da la posta. Ozendi è l'internet stuppà.

Legenda da maletgs: Keystone

Impostas per il stadi èn vegnidas introducidas l'onn 1861 per gidar da finanziar la guerra civila. Questa taglia è vegnida abolida ma la fin finala puspè reintroducida. I vegn stimà ch'ina persuna normala lavura en media ils emprims 111 dis per pudair pajar l'imposta. Il pievel american savess gugent, quantas impostas ch'il president Donald Trump paja. Lez refusa dentant vehementamain da dar invista.

Autur/a: Angela Hendry