«Telstar 18»

«Telstar 18» è la balla dal campunadi mundial da ballape en Russia. La balla ha survegnì l'ok da l'EMPA sco balla da turnier.

«Telstar 18» - la balla per il campiunadi mundial da ballape en Russia
Legenda da maletgs: «Telstar 18» - la balla per il campiunadi mundial da ballape en Russia. KEYSTONE

Per incumbensa da la FIFA controllescha l'EMPA dapi 22 onns las ballas dals turniers da ballape. Las ballas ston passar ina seria da tests severs. La balla «Telstar 18» satisfa a tut ils criteris, communitgescha l'institut federal da controlla da material e da perscrutaziun.


«Telstar 18» è tenor la firma Adidas ina balla da hightec cun ses chip integrà ed era ina balla da tradiziun. Cun il design da retro-look regorda ella a l'emprima balla da la firma per in campiunadi mundial da ballape, quel dal 1970 en il Mexico.

Autur/a: Marionna Lombriser