Tendas da chartun

Dus festivals en Svizra porschan quest onn tendas da chartun per pernottar. Cun quellas vulan els sminuir il rument dals festivals.

La tenda da chartun, producida d'ina firma dals Pajais Bass.
Legenda da maletgs: La tenda da chartun, producida d'ina firma dals Pajais Bass. MAD

Al Greenfield festival ad Interlaken sco era al «Burning Man» a Zernez resta suenter il festival enavos ina pluna rument. Sper buttiglias ed auter rument restan er enavos tendas or da material sintetic. Per evitar quai porschan quels dus festivals per l'emprima giada tendas da chartun. Quellas duessan durant il festival proteger da la plievgia, suenter pon ins reciclar ellas.

Dentant na datti betg mo fans da las tendas. Envers SRF ha ina economa d'ambient ditg, ch'ella na saja betg persvasa. Il meglier saja anc adina, che mintg'in prendia cun l'atgna tenda, e prenda ella suenter puspè a chasa.

Autur/a: Flurin Clalüna