Terence Hill vegn 80

El è il cumpogn da Bud Spencer, ad el tutgan dus dals quater pugns «für ein Halleluja» – ma atgnamain ha el num Mario Girotti.

Terence Hill.
Legenda da maletgs: Terence Hill. Keystone

Mario Girotti è naschì l'onn 1939 a Venezia. Ses bab era da l'Italia, sia mamma da la Germania. Cun 15 onns ha il giuven Girotti visità ina scola d'acturs – ed è sa decidì da vegnir actur.
Ses num ha el midà l'onn 1967, al set dal film «Gott vergibt...Django nie!». Ils producents dal film eran da l'opiniun ch'il film avess dapli success, sch'ils acturs vessan nums americans. Mario Girotti ha lura survegnì ina glista cun 20 nums. Entaifer 24 uras dess el tscherner in nov. Sia decisiun il proxim di: «Mes nov num è Terence Hill».

Autur/a: Flurin Clalüna