Terra Grischuna

La Terra Grischuna ha ier saira festivà ses giubileum da 75 onns. En sasez ha ella il 75avel pir l'onn che vegn. La Terra Grischuna è vegnida fundada il 1942 da Balz Fetz, in Grischun che abitava a Basilea.

La Terra Grischuna
Legenda da maletgs: La Terra Grischuna RTR

L'emprima ediziun il 1942 en furma da gasetta ha furnì als lecturs istorgias cun maletgs dal Grischun. A Balz Fetz mancavan novitads da sia patria. Uschia è el sesì davos sia maschina da scriver per scriver lemprima ediziun da la Terra Grischun sin ina matriza da tschaira. L' ediziun era cun 180 exemplars modesta. Quels 180 exemplars ha Balz Fetz repartì gratuitamain en la bassa. Gia 10 onns pli tard ha la Terra Grischuna gì 1600 abunents. Il 1982 è la Terra Grischuna sa midada dad ina gasetta en in magazin modern che cumpara 6 giadas lonn.

La Terra Grischuna vegn era numnada – pervia da ses engaschament e lauta qualitad da sias contribuziun ed illustraziun - ambassadura grischuna. Dapi il 1982 cumpara er ina pagina rumantscha.

Autur/a: Claudia Cathomen