Tgi è Stephen Bannon, il schefstrateg da Donald Trump?

Stephen Bannon ha 62 onns ed è oriund dal stadi da Virginia. Cun la plattafurma d'infurmaziun «breitbart.com» ha el prendì posiziun en la politica americana dals ultims onns.

Stephen Bannon
Legenda da maletgs: Stephen Bannon. KEYSTONE

L'avust aveva Donald Trump elegì Bannon sco manader da sia campagna electorala, uss è Bannon il cussegliader e schefstrateg dal president designà.

Bannon deriva d'ina famiglia catolica da lavurants ed ha ragischs irlandaisas. El ha terminà ses studis universitars cun in master ed in MBA. Bannon ha lavurà sco banchier d'investment, ha gì ina firma da medias e cun «breitbart.com» ha el publitgà las vuschs e tenutas radical-conservativas dals «Angry White Men» e da la «Tea Party» en ils Stadis Unids.

Autur/a: RTR/ml