Thomas Cook ha fatg concurs

Sgols stritgads e hotels serrads - il concern da viadi Thomas Cook è bancrut. 600'000 turists èn pertutgads.

-
Legenda da maletgs: Keystone 600'000 turists èn pertutgads dal bancrut da Thomas Cook.

Thomas Cook è il segund grond concern da viadi dal mund. Cun 178 onns è Thomas Cook era la pli veglia interpresa da viadi ch'i dat. Il concern ha 21'000 collavuraturs en 16 pajais. En tut èn 600'000 turists pertutgads dal bancrut. En tscherts hotels vegnan ils turists schizunt tegnids a ferm perquai che ils managers da hotel teman da na betg survegnir lur daners. En l'Engalterra è ina acziun da transportar enavos las persunas vegnida lantschada. L'acziun porta il num operaziun Matterhorn.

Autur/a: Anna Selina Quinter