Tiananmen

Oz sa regorda il mund da la mazzacra avant 30 onns sin la plazza da Tiananmen a Peking.

Rumir la plazza da Tiananmen è stà il cumond a l'armada chinaisa
Legenda da maletgs: Rumir la plazza da Tiananmen è stà il cumond a l'armada chinaisa. KEYSTONE

La notg dals 3 sin ils 4 da zercladur 1989 va la regenza chinaisa cun panzers e muniziun da cumbat encunter ils millis da demonstrants giuvens sin la plazza da la pasch celestiala en il center da la chapitala chinaisa. Dapi emnas aveva il moviment da studentas e students protestà per dapli democrazia e refurmas sin la plazza da Tiananmen. Amnesty International scriva da plirs tschient fin plirs milli morts, la Crusch Cotschna numna 2'600 morts e 7'000 blessads.

Er 30 onns suenter l'intervenziun sanguinusa dal reschim chinais è la mazzacra tabu en la China, infurmaziuns e rapports èn censurads. Persunas che discurran u scrivan dals eveniments, ristgan persecuziun ed arrest.

Autur/a: Marionna Lombriser