Trenaders fidels

22 onns è Arno Del Curto restà fidel al HCD. Uschè ditg èn stads fin uss mo paucs trenaders tar lur squadra.

Legenda da maletgs: Keystone

Sumegliant ditg è stà il Russ Viktor Tichonow a la banda. El era bunamain 20 onns trenader da ZSKA Moskau. Ed el valeva ina giada sco il pli bun trenader sin il mund.

Ina sumeglianta istorgia sco quella dad Arno Del Curto datti era en il mund dal ballape. Arsène Wenger ha sco Del Curto era cumenzà l'onn 1996. 22 onns pli tard, pia il 2018, ha era el dat giu sia plazza sco trenader dal FC Arsenal. Anc pli fidel sco els dus era Alex Ferguson. Sco trenader da Manchester United è el stà 27 onns a l'ur da la plazza.

Autur/a: Flurin Clalüna