Triatlon

Emprim nudar 1500 meters, lura 40 kilometers cun velo e sco finiziun èsi anc da currer 10 kilometers. Il triatlon olimpic è mo insatge per sportists cun cundiziun e resistenza.

Il triatlon è mo insatge per sportists cun fitg buna cundiziun.
Legenda da maletgs: Il triatlon è mo insatge per sportists cun fitg buna cundiziun. Keystone

Oz ha lieu als gieus olimpics a Rio il triatlon da las dunnas. Cun Nicola Spirig ha era la Svizra ina candidata per ina medaglia. Ella ha numnadamain triumfà avant 4 onns en il triatlon olimpic a Londra.

Ina disciplina olimpica è il triatlon dapi il 2000. E gist tar lemprima ediziun hai dà aur per la Svizra. Brigitte Mcmahon ha triumfà a Sydney.

Autur/a: RTR/gcc