Urbex

Urbex munta exploraziun urbana. Urbexers exploreschan lieus bandunads e documenteschan l'atmosfera e l'estetica dals stabiliments en decadenza cun fotografias e videos.

Ruinas industrialas cun lur estetica morbida attiran urbexers
Legenda da maletgs: Ruinas industrialas cun lur estetica morbida attiran urbexers. KEYSTONE

Ruinas industrialas, bajetgs publics bandunads, blocs vegls cun abitaziuns vidas u hotels en decadenza èn magnets per urbexers. Lur exploraziun è per regla illegala, lur fascinaziun dentant gronda per ils amaturs a la tschertga d'istorgias e maletgs. Per las scuvertas han urbexers in codex: betg disfar per entrar, laschar enavos be las passidas e prender anor mo ils maletgs.

Autur/a: Marionna Lombriser